Li jus du pelerin ·

37 v°	Li pelerins ·
	Or pais or pais segnieur et a moi entendés ·	se/gnieur et a moi/
	Nouveles vous dirai s'un petit atendés	entendes · Nouve/... sun pe/tit
	Par coi trestous li pires de vous iert amendés	A1-A2 : la lettrine bouleverse les retours à la ligne, comme indiqué. A3-A56 : disposés sur deux lignes, avec coupure à l'hémistiche et second hémistiche légèrement en retrait. Exceptions : A13, A33 sur une seule ligne ; second hémistiche de A16 pas en retrait.
	Or vous taisiés tout coi si ne me reprendés ·
A5	Segnieur pelerins sui si ai alé maint pas
	Par viles par castiaus par chités par trespas
	S'aroie bien mestier que je fusse a repas
	Car n'ai mie par tout mout bien trouvé mes pas
	Bien a trente et chienc ans que je n'ai aresté	trente et chieuc
A10	S'ai puis en maint bon lieu et a maint saint esté
	S'ai esté au sec arbre et dusc'a dur esté	dus ca
	Dieu grasci qui m'en a sens et pooir presté
	Si fui en famenie en surie et en tir
	S'alai en un païs ou on est si entir
A15	Que on i muert errant quant on i veut mentir	imuert... iveut
	Et si est tout quemun
	Li vilains ·
	Je t'en voeil desmentir ·
	Car entendant nous fais [b] vessie pour lanterne
	Vous ariés ja plus chier a sir en le taverne
	Que aler au moustier
	Li pelerins ·
	pechié fait qui me ferne ·
A20	Car je sui mout lassés esté ai a luserne	aluserne
	En terre de labour en toskane en sezile
	Par puille m'en reving ou on tint maint concille
	D'un clerc net et soustieu grascieus et nobile
	Et le nomper du mont nés fu de ceste ville ·
A25	Maistres adans li bochus estoit chi apelés	A25 : 13 syllabes (à moins qu'on n'élide l's de Maistres).
	Et la adans d'arras
	Li vilains ·
	tres mal atrouvelés
	Soiiés sire con vous avés vos aus pelés
	Est il pour truander tres bien atripelés
	Alés vous en de chi mauvais vilains puans
A30	Car je sai de chertain que vous estes truans
	Or tost fuiés vous ent ne soiés deluans
	Ou vous le comperrés
	Li pelerins ·
	trop par estes muans ·
	Or atendés un peu que j'aie fait mon conte
38 r°	Or pais pour dieu signeur chis clers dont je vous conte
A35	Ert amés et prisiés et honnerés dou conte
	D'artois si vous dirai mout bien de quel aconte
	Chieus maistre adam savoit dis et chans controuver
	Et li quens desirroit un tel home a trouver
	Quant acointiés en fu si li ala rouver
A40	Que il feïst uns dis pour son sens esprouver
	Maistre adans qui en seut tres bien a chief venir
	En fist un dont il doit mout tres bien sousvenir
	Car biaus est a oïr et bon a retenir
	Li quoins n'en vaurroit mie ·v· chens livres tenir	A44 : césure épique.
A45	Or est mors maistre adans diex li fache merchi
	A se tomble ai esté don jhesucrist merchi
	Li quoins le me moustra le soie grant merchi
	Quant jou i fui l'autre an
	Li vilains ·
	vilains fuiés de chi
	Ou vous serés mout tost loussiés et desvestus
A50	A l'ostel serés ja autrement revestus
b	Li pelerins ·
	Et comment vous nomme on qui si estes testus
	Li vilains ·
	Comment sire vilains gautelos li testus
	Li pelerins ·
	Or veilliés un petit biaus dous amis atendre
	Car on m'a fait mout lonc de ceste vile entendre
A55	Qu'ens en l'onnour du clerc que dieus a volut prendre
	Doit on dire ses dis chi endroit et aprendre
	Si sui pour che chi enbatus	A 57 est le premier octosyllabe. Le scribe ne s'est pas aperçu immédiatement du changement de mètre et, jusqu'à A 62, il a noté les vers pairs légèrement en retrait et sans majuscule initiale, comme s'ils étaient des seconds hémistiches.
	Gautiers ·
	fuiés ou vous serés batus
	Que diable vous ont raporté
A60	trop vous ai ore deporté
	Que je ne vous ai embrunkiet
	ne que cist saint sont enfunkiet
	Il ont veü maint roy en france
	Li pelerins ·
	Hé : vrais dieus envoiés souffrance
A65	Tous cheus qui me font desraison
	Guios ·
	Warnet as tu le raison	A 66 : 7 syllabes. A 66 et A 67 sur une seule ligne.
	oïe de cest païsant
	Et comment il nous va disant
	Ses bourdes dont il nous abuffe
	Warnés ·
A70	Oue donne li une buffe
	Je sai bien que c'est ·I· mais hom
	Guios ·
	Tenés ore alés en maison
38 v°	Et si n'i venés plus vilains
	Rogaus ·
	Que c'est mesires sains guillains
A75	Warnier vous puist faire baler
	Pour coi en faites vous aler
	Chest home qui riens ne vous grieve
	Warners ·
	Rogaut a poi que je ne crieve
	Tant fort m'anuie se parole
	Rogaus ·
A80	Taisiés vous vvarnier il parole
	De maistre adan le clerc d'onneur
	Le joli le largue donneur
	Qui ert de toutes vertus plains
	De tout le mont doit estre plains
A85	Car mainte bele grace avoit
	Et seur tous biau diter savoit
	Et s'estoit parfais en chanter	enchanter
	Warniers ·
	Savoit il dont gent enchanter
	Or pris je trop mains son affaire
	Rogaus ·
A90	Nenil ains savoit canchons faire
	Partures et motés entés
	De che fist il a grant plentés
	Et balades je ne sai quantes
	Warniers ·
	Je te pri dont que tu m'en cantes
A95	Une qui soit auques commune
	Rogaus ·
	Volentiers voir jou en sai une
	Qu'il fist que je te canterai
	Warniers ·
	Or di et je t'escouterai
	Et tous nos estris abatons
b	Rogaus ·
A101	Est ceste bonne Warnier frere
	di Warniers ·
	Ele est l'estronc de vostre mere
	Doit on tele canchon prisier
	Par le cul dieu j'en apris ier
A105	Une qui en vaut les quarante
	Rogaus ·
	Par amours Warnier or le cante
	Warniers ·
	Volentiers foi que doi m'amie
	De tel chant se doit on vanter
	Rogaus ·
A110	Par foi il t'avient a chanter
	Aussi bien qu'il fait tumer l'ours
	Warniers ·
	Mais c'estes vous qui estes lours
	Uns grans caitis loufe se waigne
	Rogaus ·
	Par foi or ai je grant engaigne
A115	De vo grande melancolie
	Je feroie hui mais grant folie
	Se je men sens metoie au vostre	A117-A118 : pour sauver la rime, il faut substituer à vostre la forme picarde voe.
	Biaus preudons mes consaus vous loe
	Que chi ne faites plus de noise
	Li pelerins ·
A120	Loés vous dont que je m'en voise
	Rogaus ·
	Oïl voir ·
	Li pelerins ·
39 r°	Et je m'en irai
	Ne plus parole n'i dirai
	Car je n'ai mestier c'on me fiere	A123-A124 : pour sauver la rime, il faut substituer à fiere la forme picarde fierche.
	Guios ·
	Hé : diex je ne mengai puis tierche
A125	Et s'est ja plus nonne de jour
	Et si ne puis avoir sejour
	Se je ne boi ou dorc ou masque
	Je m'en vois j'ai faite me tasque
	Ne je n'ai chi plus riens que faire
	Rogaus ·
A130	Warnet
	Warniers
	Que
	Rogaus ·
	Veus tu bien faire
	Alons vers aiieste a le foire
	Warnés ·
	Soit mais anchois voeil aler boire
	Mau dehais ait qui n'i venra ·

 

[Retour au plan des scènes]