La conjoncc̨íon ęt vne partie du langaje, indeclinable, sans articles, ę sans aocun gouuęrnemęnt : conjoŋ̃ant lęs aotres espęc̨es dę’ partíes : ou lę’ claozes ao’ claozes auęq qelqe sinificac̨íon. j’ey dit lę’ mę́mes espęc̨es dę’ partíes : come, le nom substantif, ao substantif, ou le pronom : come, Pięrr’, ę Alexandre, C̨ezar, ę moę : ou bien l’ajęctif a l’ajęctif : come, C̨ezar maŋ̃anim’ ę heureus : le pronom, ao pronom : come, toę ę moę, le [p. 130v] particip’ ao partic̨ipe : come, le jalous brulant, ę ardant de jalouzíe : ou bien le partic̨ip’ auęq l’ajectif : come, vn couhart ę lac̨he, ęt haí dęs jęns de bien : ou bien le vęrb’ ao vęrbe : come, il bręt, ę críe :

Qant ao’ prepozic̨íons ęlles ne peuuet ętre conjointes par la conjoncc̨íon san’ leur gouuernemęnt : come, il a hurté d’un liuier, ou d’une massúe. Ęlle conjoint aosi lęs auęrbes : come, il va lęntemęnt, ę pezammęnt. Finablemęnt, ęlle conjont lęs claozes : come, il fęt l’home de bien, combien q’il soęt vn grant vzurier.