Lę’ Pronoms ont aosi come lę’ Noms deu’ nombres : qi sont le singulier, ę le plurier : le singulier : come je, tu, il : ę le plurier : come nous, vous, ils. Il ęn ęt aosi qi sont seulemęnt singuliers : come c̨ec̨y, [p. 49r] c̨ela.

Lęs aotres sont comuns a tou’ nombres, come se, qi, qe, y, c̨e qe vous pouuez voęr ęn c̨e tręt. Pięrre qi s’ęn va a Rome, ę qe tu conoęs, a ręncontré tęs seruiteurs qe tu y auoęs ęnuoyé, qi s’ęn reuenoęt a hate, affin de t’auertir de la maladíe de ton fils, ę qe tu y donasses ordre : ao regard de tęs affę́res il’ y auizeront.