Lęs Auęrbes ont tout einsi qe lęs aotres partíes l’espęc̨e primitiue : come ouí, non, bien, mal, ę la deriuatiue : come voulontiers de voulonté, bonemęnt, de bone : finablemęnt tous auęrbes ęn męnt sont tous [p. 126r] dęriuez : come soudeynemęnt, vitemęnt, sajemęnt, promptemęnt, lę’ qels tous gardet l’e brief ou long de leur primitif : come, de juste justemęnt, de bone bonemęnt, d’ęzé ęzémęnt, ę einsi de tous aotres tęrminez ęn emęnt ou ę́męnt.

Il ęn ęt d’aotres ęn ammęnt qi se tiret dę’ participes ęn ant : come de plęzant plezammęnt, de valłant valłammęnt. Nous vzons aosi d’aocuns de leurs primitifs : come fęs víte, ou soudein c̨ela.