Baïf - Vers mesurés

FITES, Ô non séint, tùtami de vèrtu :

[f° e ij r°]

Tø, le dùs GARRÔT, grasiös é kùrtøs :

Vùs ki, suksèssörs l'un aã l'ôtre, vûiés

Klôrr' é défèrmér,

Klôrre l'an passé, le nùveô défèrmér :

Étrenant la Frans' étrenér je vùs dø,

Puis ke par vôs méins la Roiale bonté

M'èze tùlèzans.

Tu ne lèras pûint (kome çante l'Askrøs)

Une mèzon mank' uneføs komansé'

K'un çukas jazart n'i kroass' arèté.

S'èt k'i ne fôt pas

Lèssér inparfèt le déséin avansé,

Tèl kom' èt mon beô monumant, ke batìî

Pùr ma lang' ornér, de nùvèles çansons

L'övre ne laçant.

Donk, afin k'un jùr l'édifisse monté,

D'ör é d'art konduit, açevé de tùs pûins,

Fasse tèr' anvìî', é le vulge bandé

Kontre la vèrtu :

Tant k'i søt parfèt je le kontinu^rè.

Vùs tùdös trèbons aã l'ùvraje pùssés,

Par ki lon vèrra, kom' amis je santø

FITEZ É GARRÔT.

FIN.

Mètre : Strophe saphique.

Variantes et remarques :
v. 21 : coquille probable : kontinu^ré.