Le premier pręzęnt de l’optatif se tęrmine jenerallemęnt ęn roę, par toutes lę’ conjugęzons : ę se form’ aosi par toutes du futur de l’indicatif, ey, as, a, ons, ez, ont, ęn oę, ou oęs, oęs, oęt, ions, iez, oę́t : come d’ęymerey, ęymeras, ęymera, ęymerons, ęymeręz, ęymeront se formera ęymeroę, ou eymeroęs, tu ęymeroęs, il ęymeroęt, nous ęymerions, ęymeriez, ęymeroę́t : de vęrrey, voudrey, vęrroę, voudroę : de conoętrey, conoętroę, de fuyrey, fuyroę.